ئاگه‌هیا کۆرۆنایێ ل یوڤه‌سکویله
Corona information - badini - updated 3.12.2020
Corona information Video on Youtube - badini (Info Gloria)
شرینقهیێن کۆرۆنایێ بۆ ڕوونشتڤانێن یوڤهسکوله، هانکاسالمی و ئووراینێنێ
ل دویڤ بڕیارا به‌رنامه‌یا شرینقه لێدانا کۆرۆنایێ یا ده‌زگه‌ها ساخله‌می و خوه‌شحالیێ شرینقه ل ڕوونشتڤانان تێنه دانێ. عه‌مرێ مه‌زنتر بت مرۆڤی بۆ ڤه‌گرتنا کۆرۆنایێ خه‌ته‌رتره. ژ به‌ر هندێ ڕوونشتڤان دێ ل دویڤ عه‌مرێ خوه هێنه شرینقه‌کرنێ. هەروەسا که‌سێن کێمتر ژ ۷۰ سالی، کو ساخله‌م بن د کۆمێن هنده‌ک ئێش هه‌بندا و بۆ کەسێن ٦٥ هەتا ٦٩ شرینقه‌کرنا وان ده‌ست پێ کریە. بۆ مه‌زنێن دیتر و بۆ که‌سێن ژ ۱٦ سالیێ زێده‌تر دێ پشتی که‌سێن نه‌ساخ شرینقه هێنه لێدانێ.
شرینقهیێن ل فینله‌ندا وه‌سانن و دڤێت هه‌ر که‌سه‌ک دو جاران شرینقه لێ بده‌ن. شرینقه د ناڤبه‌را ۱۲ حه‌فتیاندا تێنه داینێ. ده‌مێن شرینقه‌کرنێ ل دویڤ هندێ تێنه دیارکرنێ کا که‌نگی شرینقه دگه‌هنه فینله‌ندا و ده‌ڤه‌را یوڤه‌سکویله‌یێ. ب قه‌ناعه‌تا شاره‌زایێن ساخله‌میێ هه‌تا په‌یزا سالا ۲۰۲۱ئان خه‌لک دێ هێنه شرینقه‌کرنێ.
شرینقه‌یا کۆرۆنا ڤایروسێ مرۆڤی ژ ئێشا کۆرۆنا ڤایروسێ (کۆڤید-۱۹) و شه‌کلێن وێ یێن ئێشا جددی دپارێزیتن
ب شرینقه‌کرنا به‌هرا پتر ژ خه‌لکێ موحاوه‌له تێته کرنێ کو نه‌هێلن ڤایروسا کۆرۆنایێ د ناڤ خه‌لکێدا به‌لاڤ ببیتنه‌ڤه. شرینقه‌یا ڤایروسا کۆرۆنایێ بۆ هه‌می خه‌لکێ به‌لاشه. شرینقه‌لێدان ب دلخوازییه.
بۆ شرینقه‌لێدانا ڤایروسا کۆرۆنایێ ب ته‌نێ ب ده‌مگرتنێ
خزمه‌تێن ساخله‌میێ ن بۆ هه‌می که‌سێن ته‌مه‌نێ وان زێده‌تر ژ ٦٥ سالیێ زێدەتر تەلەفۆن کریە و ده‌مه‌کێ بۆ شرینقه‌لێدانێ بۆ وان دگرن. هه‌روه‌سان د عه‌ینێ ده‌میدا شرینقه‌لێدانێ پێشکێشی که‌سێن دی ژی یێن هه‌مان مالباتێ دکه‌ن. ئه‌گه‌ر که‌سه‌کی زێده‌تری ٧۰ سالیێ ته‌له‌فۆن نه‌هاتبیتن، ئه‌و دشێتن کو ده‌مه‌کێ داخواز بکه‌تن ژ هەژمارا ٠١٤٢٦٦١٤٧٢. ئەگەر تو ٦٥ هەتا ٦٩ سالی بی و هەتا ١٨/٥ تەلەفۆن بۆ تە نەهاتبت، تو دشێی تەلەفۆنا شیرەتگەها کۆرۆنایێ بکی ٠١٤٢٦٦١٤٧٢.
مشته‌ریێن خزمه‌تهه‌یێن ئێختیاران ل باژاڕڤانیا یوڤه‌سکویله‌یێ ل گه‌ل ده‌مێ کو سسته‌ر دهێنه مالا وان شرینقه بۆ وان تێنه لێدانێ.
که‌سێن کو ته‌مه‌نێ وان ژ ۷۰ سالیێ کێمتره، به‌لێپا ژ به‌ر هنده‌ک نه‌ساخیان دڤێت بهێنه شرینقه‌لێدانێ، ده‌مه‌ک ب په‌یاما ته‌له‌فۆنێ بۆ وان هاتیە یان دێ هێتن. بۆ که‌سێن دیتر یێن مه‌زن دێ ده‌مگرتنا شرینقه‌لێدانێ هینگێ ڤه‌بیتن، گاڤا کو که‌سێن خه‌ته‌ری لسه‌ر هه‌یه هاتبنه شرینقه‌لێدانێ. شرینقه‌لێدان ب ته‌نێ ب ده‌مگرتنێ تێته داینێ.
کۆمێن خه‌ته‌ری لسه‌ر:
کۆما ۱ئه‌مین: که‌سێن کو ئێشا ڤایروسا کۆرۆنایێ بۆ وان گه‌له‌کی خه‌ته‌ری هه‌یه که‌سێن خودانێن ڤان ئێشانن:
• ڤه‌گوستنا پارچه‌له‌شی یان ڤه‌گوهاستنا هوجره‌یا بنگه‌هین
• سه‌له‌تانا کو د قۆناخا چاره‌سه‌رکرنێ دایه
• ئاریشه‌یا دژوار یا سیسته‌ما خوه‌پاراستنا له‌شی
• نه‌ساخیه‌کا جددی یا به‌رده‌وام یا گولچیسکان
• نه‌ساخیه‌کا جددی یا به‌رده‌وام یا جه‌گه‌رێ
• نه‌ساخیا شه‌کرێ یا تیپا ۲ کو تێته ده‌رمانکرنێ
• ئێشا هه‌مه‌ره‌نگی یا داونی (بۆ مه‌زنان)
کۆما ۲ئه‌مین: که‌سێن کو ڤایروسا کۆرۆنایێ به‌لکی بۆ وان ببیته سه‌به‌بێ نه‌ساخیه‌کا
• ته‌کنه‌فه‌سیه‌کا کو ب به‌رده‌وامی هه‌وجه‌داری ده‌رمانکرنێ یه
• نه‌ساخیه‌کا دل ییا دژوار، بۆ نوموونه کارکرنا دلی یا نه‌ته‌مام (به‌لێپا نه ب ته‌نێ ئێشا زه‌ختا خوینێ)
• ئێشه‌کا یان حاله‌ته‌کێ مه‌ژیناسیێ یا کو دبیته سه‌به‌بێ فه‌لجا مه‌ژی یان ژی نه‌فه‌سکێشانێ
• چاره‌کرنا ب ده‌رمانان بۆ نه‌ساخیه‌کا خوه‌پاراستنا له‌شی کو دبیته سه‌به‌بێ بێهێزبوونا شیانا له‌شی
• نه‌ساخیه‌کا مێلاکێ یا دژوار و ب به‌رده‌وامی
• ئێشا شه‌کرێ یا تیپا ۱ یان کارکرنا نه‌ته‌مام یا گولچیکێن زێده‌تر
• ئێشا ئاپنیێیا خه‌وێ یا نیڤدژوار یان دژوار (بێهنچکیانێن د سەعەتەکێدا ١٥ یان زێدەتر)
• نه‌ساخیا پزیکۆزی
• قه‌له‌ویتیا نه‌خوه‌شانه (ئینده‌کسا وه‌زنێ ب کێمی ٤۰)
جهێ شرینقه‌لێدانێ ل گه‌ل ده‌مگرتنا شرینقه‌لێدانێ تێته دیارکرنێ. ئه‌و ئه‌ڤ جهه‌نه:
• ئاڤاهیێ ته‌ماشه‌کرنا به‌زینا هه‌سپان یا کیڵێری ل ناڤنیشانێ ڤێسانگانتیێ ۲٤، تەبەقا دوویەمین، بێی مەسعەجدێیە.
• خانیێ بنگه‌هێ ساخله‌میێ یا کوۆککالا ل ناڤنیشانێ سوێتته‌یه‌نکاتو ۱۰
• بنگه‌هێ ساخله‌میێ یێ هانساسالمیێ
• بنگه‌هێ ساخله‌میێ یێ هانساسالمیێ یێ کۆرپیلاهتیێ
• بنگه‌هێ ساخله‌میێ یێ هانساسالمیێ ئووراینێنێ
ل جهێ شرینقه‌لێدانێ برێڤه‌برنا کاروباران ب سلامه‌تیه – ڤان تشتان ژ بیر نه‌که ده‌مێ کو تو تێی جهێ شرینقه‌لێدانێ:
• نه‌یێ شرینقه‌لێدانێ، ئه‌گه‌ر ته نیشانێن ئێشا ڤایروسا کۆرۆنایێ هه‌بن، بۆ نوموونه تاگه‌رم، کوخک، بێهنچکین، ئێشا زه‌بله‌کان یان دلبۆرین.
• پچه‌کێ به‌ری ده‌مێ خوه وه‌رن.
• ماسکێ ده‌ڤی یان ڤیزیرێ بکاربینن.
• ده‌ستێن خوه باش بشۆن.
• ب کارتا ناسنامه‌یێ دیار بکه کا تو کییی.
• زێده‌یی دو میتره‌یان ژ خه‌لکێ دوور ڕاوه‌سته.
• پشتی شرینقه‌لێدانێ بۆ ده‌مه‌کێ نه کێمتر ژ ۱٥ ده‌قیقه‌یان بۆ چاڤدێریکرنێ بمینه.
ئه‌گه‌ر تو ب ئێشا ڤایروسا کۆرۆنایێ که‌فتبی به‌ری نۆکه، ئه‌م پێشنیا دکه‌ن کو تو ۳ هه‌یڤان پشتی دیاربوونا ڤه‌گرتنا ئێشا کۆرۆنایێ بێی شرینقه‌لێدانێ.
ئێمناهیا شرینقه‌یان
لێکۆلینێن دوور و درێژ ل سه‌ر شرینقهیێن ڤایروسا کۆرۆنایێ هاتینه کرنێ ژ لایێ چاوانی، ئێمناهی و ته‌سیرکه‌ریا وانڤه و هاتنه به‌رهه‌ڤدانێ ل گه‌ل ده‌رمانێن دیتر و ب به‌رده‌وامی لێکۆلین لسه‌ر ئێمناهیا وان دهێته کرنێ. وه‌کی هه‌می شرینقه‌یێ دیترێ ژی، به‌لکی هنده‌ک ته‌سیرێن دیتر ژی ل سه‌ر مرۆڤی بکه‌تن. به‌لێ ته‌سیرکرنێن وان به‌هرا پڕتر سڤک و نه‌رمن و زوو دبۆرن. جهێ شرینقه‌لێدانێ ڕه‌نگه پیچه‌کێ سۆر ببیته‌ڤه، بوه‌رمیتن یان تاگه‌رم ڕابیتن. مرۆڤ دشێتن وان موشکیله‌یان ب حه‌بکێن تاگه‌رمێ و کولبوونێ چاره‌سه‌ر بکه‌تن. پشتی هه‌می شرینقه‌لێدانان ئه‌و دیارده هنده‌ک جاران په‌یدا دبن.
د هنده‌ک حالتێن کێمدا به‌لکی شرینقه‌لێدانێ ببیته سه‌به‌بێن هنده‌ک حه‌ساسیه‌تێن جددی، کو جهێن شرینقه‌لێدانێ شاره‌زایه‌تی هه‌یه بۆ چاره‌سه‌رکرنا وان. ل هه‌می دونیایێ ب ته‌نێ چه‌ند که‌سان وه‌سان حه‌ساسیه‌تێن جددی بۆ په‌یدا بوونه.
شرینقهیێن کو دهێنه بکارینانێ
ڤێ گاڤێ ل وه‌لاتێن یه‌کیتیا ئه‌ورۆپایێ ده‌ستوور هاتینه داینێ بۆ بکارینانا سێ جوونێن شرینقهیێن ڤایروسا کۆرۆنایێ:
• شرینقه‌یا کو شریکه‌یێن پفایزێر و بایۆنتێکێ پێشکێش کریه
• شرینقه‌یا کو شریکه‌یا مۆدێرنایێ پێشکێش کریه
• شرینقه‌یا کو شریکه‌یا ئاسترازێنێکایێ پێشکێش کریه (بۆ کەسێن ژ ٦٥ سالیێ زێەدەتر)
پشتی شرینقه‌لێدانێ ژی مرۆڤ ژ خه‌لکێ دوور دسه‌کنیتن و ماسکێ ده‌ڤی بکار تی-نیتن
پشتی شرینقه‌لێدانان ژی دڤێتن کو مرۆڤ هه‌ر خوه ژ خه‌لکێ دوور بسه‌کنیتن، ماسکێ ده‌ڤی بکار بینیتن و ده‌ستێن خوه باش بشۆتن و هشیاری کوخینا خوه بیتن. پشتی شرینقه‌لێدانێ ژی ب هه‌یڤان ده‌م لازمه هه‌تا کو هه‌می فینله‌ندا بهێته پاراستنێ و ڕێک ل به‌ر به‌لاڤبوونا ئێشا ڤایروسا کۆرۆنایێ بهێته گرتنێ.
ئه‌گه‌ر نیشانێن وه‌کی یێن ڤایروسا کۆرۆنایێ بۆ ته په‌یدا ببن، دڤێتن کو پشتی شرینقه‌لێدانێ ژی گوهداریا شیره‌تێن شه‌هره‌زایان بکه‌ی و بچی نه‌خوه‌شخانه‌یێ.
: ئاگەهداریێن زێدەتڕێ
شیرەتگەها شرینقەلێدانا کۆرۆنایێ
• koronarokotus@jyvaskyla.fi ب پۆستەیا ئەلەکترۆنیکی
• ژ هەژمارا ٠١٤٢٦٦١٤٧٢
مالپەڕا شرینقەلێدانا کۆرۆنایێ یا باژارڤانیا یویڤەسکویلەیێ:
https://www.jyvaskyla.fi/koronarokotus
مالپەڕا کۆرۆنای{ە یا باژارڤانیا یویڤەسکویلە:
https://www.jyvaskyla.fi/terveys/korona
ئاگه‌هداریێن دهربارهیی ڤایروسێ ل باژاڕێ یویڤه‌سکویله ب زمانێ ئینگلیزی:
https://www.jyvaskyla.fi/en/health-care-and-social-services/healthcare-services/information-coronavirus-jyvaskyla
نووترین ئاگه‌هداریێن ژ مالپه‌ڕا ئینته‌رنه‌تێ یا ده‌زگه‌ها ساخله‌می و خوه‌شحالیێ یا فینله‌ندایێ ب زمانێ ئینگلیزی:
https://thl.fi/en/web/infectious-diseases-and-vaccinations/what-s-new/coronavirus-covid-19-latest-updates
ئاگه‌هداریێن دهربارهیی بڕیارێن حوکوومه‌تا فینله‌ندایێ ل سه‌ر ڤایروسا کۆرۆنایێ ب زمانێ ئینگلیزی:
https://valtioneuvosto.fi/en/information-on-coronavirus
پێشنیاز و بسنۆرکرنێن کۆرۆنایێ ل یوڤهسکوله تێن کێمکرن
پێشنیاز و بسنۆرکرنێن کۆرۆنایێ ل یوڤهسکوله تێن کێم. مرۆڤ دشێن ئێکودو ببینن، وه‌رزشێ بکن و بچن ئاهه‌نگان و کتێبخانه‌یان. دیسا ژی ماسکی ب کار بینه، ده‌ستێن خوه بشۆ و ژ خه‌لکێ دوور ڕاوه‌سته. ئه‌گه‌ر ته نیشانێن بچووک ژی یێن کۆرۆنایێ هه‌بن، هه‌ڕه تێستێ. ئه‌م دێ ل گه‌لێک سه‌ری ژ کۆرۆنایێ ستینن و گاڤا وه‌ختێ ته هات، هه‌ڕه شرینقه‌یا کۆرۆنایێ.
ئاگه‌هیێن کۆرۆنایێ بۆ یوڤه‌سکویله‌ییان
ڕێ نه‌ده ڤه‌گرتنێ
• ده‌ستێن خوه ب ئاڤێ و سابوونێ چو نەبیت ۲۰ سانیان بشۆ. ده‌ستێن خوه ب کلینسێن پاقژ زوها بکه.
• ده‌ست نه‌که چاڤ، دفن یان ده‌ڤێ خوه ئه‌گه‌ر ته وێ گاڤێ ده‌ستێن خوه نه‌شووشتبن. تو دشێی هه‌روه‌سا ده‌رمانێ پاقژکرنا ده‌ستان بکار بینی.
• ئه‌گه‌ر تو ببهنژی یان بکوخی، ده‌ڤولێڤێن خوه ب کلینسه‌کێ بپارێزه و پاشی باڤێژه گلێشی. ئه‌گه‌ر ته کلینس نه‌بت، بکوخه هوچکێ خوه، نه ده‌ستێ خوه.
• ب کێمی ۲ مه‌تره ژ خه‌لکێ دوور بسه‌کنه.
• ب کێمی ۲ مه‌تره ژ خه‌لکێ دوور بسه‌کنه.
• مێهڤانان گازی مالا خوه نه‌که و نه‌چه مێهڤانداریێ.
• ل مالێ به ئه‌گه‌ر نه‌ساخ بی.
• ماسکی بکار بینه ئه‌گه‌ر ئه‌گه‌ر نکاری ژ خه‌لکێ دوور بسه‌کنی، بۆ نموونه د ئۆتۆبووساندا یان گاڤا کو دچی تێستا کۆرۆنا.
نیشان و ڤه‌گرتن
نیشانێن ئێشا ڤیروسا کۆرۆنایێ (کۆڤید-۱۹) تا، کوخک و ته‌نگنه‌فه‌سی نه. به‌هرا پتر ژ نه‌خوه‌شیان سڤک ب ڤێ نیشانێ نه‌ساخ دبن کو دبته سه‌به‌بێ کولبوونا گه‌وریێ ئانکو په‌رسیڤێ. تێستێن ڤیروسا کۆرۆنایێ ب تنێ بۆ وان که‌سان تێته کرنێ کو ئێشا وان گرانه یان نه‌ساخیا وان دژواره.
ئه‌گه‌ر ته ئێش یان نیشانێن وێ یێن جددی هه‌بن، هینگێ ل مالێ بمینه و بێهنا خوه ڤه‌که. فه‌ره کو ئێش ژ که‌سه‌کێ نه‌گه‌هته که‌سێن دی چونکی هنده‌ک که‌س دژوار پێ دکه‌ڤن.
ئه‌گه‌ر ئێشا ته گران بت، ئه‌ولی ته‌له‌فۆنێ بکه
014 266 0133 • ئه‌گه‌ر ئێشا ته گه‌له‌ک گران بت یان نه‌فه‌سا ته دژوار بت، ته‌له‌فۆن هه‌ژمارا یوڤه‌سکویله یا کۆرۆنایێ بکه
ڕۆژێن دوشه‌مبێ هه‌تا سەعەت سه‌عه‌ت ۸ - ١٦، شەمبی و ئێکشەمبان سەعەت ٩-١٥.
116 117 ده‌مێن دی ته‌له‌فۆنا شیره‌تگه‌ها گشتی بکه •
• ئه‌گه‌ر ته ته‌رجمان لازم بت، لسه‌ر ته‌له‌فۆنێ بێژه.
050 303 7722 خزمه‌تا ده‌مگرتنا که‌ڕان و ڕاگه‌هاندنا ئه‌نجامان ب په‌یامانێن ته‌له‌فۆنێ یه، هه‌ژمار •
(ب فینله‌ندی، سوێدی یان ئینگلیزی). Omaolo مرۆڤ دشێت تێستا نه‌ساخیێ بکه‌ت ل خزمه‌تا
014 266 0133. ئه‌گه‌ر تێستکه‌ر زارۆک بت، ته‌له‌فۆنێ بۆ هه‌ژمارا ته‌له‌فۆنا بنگه‌هێ ساخله‌میێ بکن
ل دویڤ نه‌تیجه‌یا "ئۆمائۆڵۆ" تو دشێی بۆ خوه ده‌مه‌کێ ل سه‌ر ئینته‌رنه‌تێ بگری.
کارمه‌ندێن ساخله‌میێ ل سه‌ر ته‌له‌فۆنێ دبێژن کا فه‌حسکرن لازمه یان نه. ل سه‌ر ته‌له‌فۆنێ دێ شیره‌تان ده‌نه ته دڤێت که‌نگی، چه‌وا و کویڤه بچی.
ئه‌نجاما تێستا کۆرۆنایێ یا نەیینی ب په‌یاما ته‌له‌فۆنێ و ئەنجاما ئەرێنی ژی ب تەلەفۆنکردنێ تێت
ئه‌گه‌ر تو بچی تێستا کۆرۆنایێ، پشتی هینگێ ل مالێ بمینه هه‌تا کو ئه‌نجامێن تێستێ بێن. هه‌تا تو بشێی ژ خه‌لکێ ده‌رڤه‌یی مالا خوه دوور بسه‌کنه.
ئه‌گه‌ر ئه‌نجاما تێستێ نه‌گاتیڤ بت و په‌رسیڤا ته یا نۆرمال بت، ل مالێ بمینه داکو په‌رسیڤا ته خه‌لکێ نه‌گرت.
ئه‌گه‌ر تێستا کۆرۆنایێ (کۆڤید-۱۹) پۆزیتیڤ بت، ل مالێ بمینه داکو ه_ئه‌مشیره بۆ ته ته‌له‌فۆن بکت. ل دویڤ شیره‌تێن هه‌مشیره‌یێ بکه.
ئه‌گه‌ر تو نه‌ساخ بی، نه‌چه دکانان
ئه‌گه‌ر تو نه‌ساخ بی و نه‌شێی بچی دکانێ یان ده‌رمانخانێ، ده‌عوا هاریکاریێ ژ مرۆڤێن خوه یان جیرانان بکه. دکانان و ده‌رمانخانان خزمه‌تا ئینانا تشتان بۆ مالێ ژی هه‌یه.
ئه‌گه‌ر چو هاریکاریا وه‌سا بۆ ته نه‌بت، دەعوا هاریکاریێ ژ ڤان هژمارێن خوارێ بکە.
• مشته‌ریێن یوڤه‌سکویله:
014 266 9664 • کاروبارێن سۆسییالێ یێن لهەوارهاتنێ د دەمێ کارکردنێدا، تەلەفۆن
014 266 180 • ناڤەندا ئۆیا یا هاریکاریکرنا پیران، تەلەفۆن
ها • هه‌وجه‌داریێن له‌زگین یێن مالباتێن بزاڕۆک ژ خزمه‌تا په‌روه‌رده‌یا پێشین دوشه‌مبی هه‌تا پێنجشه‌مبی سه‌عه‌ت 014 266 3501 ٩-١٤، تەلەفۆن
014 266 3590دوشەمبی هەتا هەینی سەعەت ٨-١٥:٣٠، تەلەفۆن •شیرەتگەها مالباتان بۆ نەسیحەتکرنێ
014 267 1490 •مشته‌ریێن هانکاسالمی: ڕۆژێن ده‌وامێ سه‌عه‌ت ۸ - ۱٦ هژمارا
040 772 8543 •مشته‌ریێن هانکاسالمی: ڕۆژێن ده‌وامێ سه‌عه‌ت ۸ - ۱٦ هژمارا
014 266 0149 ده‌مێن دی ڕوونشتڤانێن یوڤه‌سکویله، هانساڵمی و ئووراینێن دشێن ته‌له‌فۆنا هه‌وارکرنێ بکن ب ڕێیا
ماسکێ ده‌ڤولێڤان بکار بینه
بۆ یوڤه‌سکویله‌ییێن ژ ۱٢ سالان مه‌زنتر هاتیه پێشنیازکرن کو ماسکێ ده‌ڤولێڤان بکار بینن.
ماسکی بکار بینه ئه‌گه‌ر تو نه‌شێیژ خه‌لکێ دوور بسه‌کنی، بۆ نموونه د ڤان حاله‌تاندا
• ل جهێن گشتی یێن سه‌رگرتی، وه‌کی دکانان، کتێبخانه‌یان، خۆرتخانه‌یان، په‌رستگه‌هان، تیاترۆیان یان سالۆنێن کۆنسه‌رتان
• ل شاهیگه‌هێن جه‌ماوه‌ری، ل پێشبرکێیێن ل ده‌رڤه و ل ئاهه‌نگێن کو مرۆڤ نه‌شێت ل دووری خه‌لکی بسه‌کننت
• ل خواندنگه‌هێن ده‌ره‌جه‌یا دویه‌مین و ل فێرگه‌هێن بلند
• د ئۆتۆبووساندا
• ب ڕێکێڤه بۆ فه‌حسکرنا تێستا ڤایروسا کۆرۆنایێ
• گاڤا تو ژ وه‌لاته‌کی تێر-ئێشگرتیڤه تێی
ماسکی بکار نه‌ینه، ئه‌گه‌ر ئه‌و زێده بێهنڤه‌دانا ته زه‌حمه‌ت بکه‌تن یان ژی ته سه‌به‌به‌کێ ساخله‌میێ هه‌بت کو لازم بت تو ماسکی بکار نه‌ینی. ها
جهێن به‌لاڤکرنا ماسکێن ده‌ڤولێڤان
باژارڤانیا یوڤه‌سکویله ماسکێن ده‌ڤولێڤان به‌لاش دده‌ته که‌سێن کێمداهات. که‌سێن دیتر ماسکان ب خوه دکڕن. بکارینانا ماسکان بۆ که‌سێن ژ ۱٢ سالان زێده‌تر پێشنیازه.
ماسک ل ڤان خزمه‌ته‌هان تێنه به‌لاڤکرنێ:
• بنگه‌ها سۆسیالێ یا هاننیکایسێنکاتو, Hannikaisenkatu 37, ڤه‌کری دوشه‌مبی-ئه‌ینی سه‌عه‌ت ۱۰-۱٤
• خزمه‌تێن بجهبوونێ, Väinönkatu 1, ڤه‌کری دوشه‌مبی-ئه‌ینی سه‌عه‌ت ۱۰-۱۳
• بنگه‌هێن ساخله‌میێ:
o کوڵۆ، پالۆککا و سامپۆهاریو، سێشه‌مب و پێنجشه‌مب سه‌عه‌ت ۱۲-۱٦
o کۆرپیلاهتی، سه‌ونه‌تسالۆ و تیککاکۆسکی، سێشه‌مب و پێنجشه‌مب سه‌عه‌ت ۱٤-۱٦
• نڤیسگه‌ها گوندێ هوهتاسوۆ, Nevakatu 1, دوشه‌مبی-پێنجشه‌مبی سه‌عه‌ت ۹-۱٥ و ئه‌ینی سه‌عه‌ت ۹-۱٤
• ناڤه‌ندا خه‌باتا وه‌لاتیان مه‌یدانا ماتارا/گلۆریا, Matarankatu 6 A, دوشه‌مبی هەتا هەینی سه‌عه‌ت سه‌عه‌ت ۹-۱٣
ئه‌گه‌ر تو که‌ره‌نتینکری یان ڤاڕێکری بی
داخوازا شیره‌تێن ژ حه‌مشیره‌یێ بکه. فه‌ره کو گوهداریا شیره‌تان بکی. ئاگه‌هیێن زێده‌تر ژ مالپه‌ڕا ل سه‌ر که‌ره‌نتینێ
https://www.jyvaskyla.fi/terveys/korona/karanteeni
دەمێ شرینقەلێدانێ بۆ خوە بگرە، گاڤا کو دۆر دهێتە تە.
ئه‌پا "کۆرۆناڤیلککو" بێخه سه‌ر ته‌له‌فۆنا خوه
"کۆرۆناڤیلککو" ئه‌په‌که کو مرۆڤی ئاگه‌هدار دکت ئه‌گه‌ر مرۆڤ ل نێزیکی که‌سه‌کی ب کۆرۆنایێ که‌تی بووبت. بارکرنا "کۆرۆناڤیلککو" به‌لاشه
https://koronavilkku.fi/
ئاگه‌هیێن زێده‌تر:
https://www.jyvaskyla.fi/terveys/korona مالپه‌ڕێ باژاڕێ یوڤه‌سکویله:
ئاگه‌هیێن نووکری ده‌ربارێ ڤیروسا کۆرۆنا ل یوڤه‌سکویله ب ئنگلیزی
https://www.jyvaskyla.fi/en/news/2020-03-13_updated-information-coronavirus
ئاگه‌هیێن نووکری ده‌ربارێ ڤیروسا کۆرۆنا ل یوڤه‌سکویله ب زمانێن دیتر https://www.jyvaskyla.fi/terveys/korona/muutkielet
(THL) ئاگه‌هیێن نووکری ژ مالپه‌ڕێ ده‌زگه‌ها ساخله‌می و خوه‌شحالیێ یا فینله‌ندا ب ئنگلیزی
https://thl.fi/en/web/infectious-diseases/what-s-new/coronavirus-covid-19-latest-updates
ئاگه‌هی ده‌ربارێ بڕیارێن حکومه‌تا فینله‌ندا ل سه‌ر ڤیروسا کۆرۆنا ب ئنگلیزی
https://valtioneuvosto.fi/en/information-on-coronavirus